حياتك وشغلك في مكان واحد.
خطوة بخطوة لحد القمة.
مشاريع، مهام، فلوس، عادات، مواعيد وعملاء… كلهم في نظام واحد بالعربي. بيشتغل من المتصفح ومن موبايلك، وبياناتك فعلًا على جهازك.
بتدفع بفودافون كاش أو إنستا باي، ومفتاح التفعيل بيوصلك بين 5 دقايق وساعة من تأكيد الدفع.
- بياناتك على جهازكمفيش حساب ولا سيرفر بيخزّن شغلك.
- بيشتغل من غير نتبعد أول فتح، كمّل شغلك حتى لو النت قطع.
- مزامنة مشفّرة (اختيارية)بين موبايلك ولابتوبك على Google Drive بتاعك.
- عربي من الأساسواجهة RTL، أرقام وتواريخ، وإملاء بالصوت.
كفاية تطبيق لكل حاجة.
المهام في تطبيق، الفلوس في شيت، العادات في ورقة، وأرقام العملاء في واتساب. وفي الآخر مفيش حاجة بتقولك الصورة الكاملة.
قِمّة بتجمّع كل ده في مكان واحد وبتربطه: تسليمات المشاريع والالتزامات والتحصيلات والاجتماعات بتتجمع في تقويم واحد، وآخر اليوم تقرير بيلخّص اللي خلص واللي اتأخر وصرفت قد إيه.
ده مش شيت إكسل.
ده نظام، وتطبيق على موبايلك.
شيت الإكسل جدول بتملاه وبتظبط معادلاته. قِمّة نظام جاهز: كل جزء فيه بيتكلّم مع الباقي، وبتشتغل بيه من موبايلك زي أي تطبيق.
- أجزاؤه بتتكلّم مع بعضالمهمة بتظهر في التقويم، والمصروف بيدخل الميزانية، وآخر اليوم التقرير بيتجمّع لوحده. من غير معادلات ولا نسخ ولصق.
- تطبيق على شاشتك، مش ملف بتدوّر عليهبتثبّته فتبقى له أيقونة على موبايلك، يفتح فول سكرين زي أي تطبيق، ويشتغل حتى من غير نت.
- جاهز من أول دقيقةمفيش قوالب تظبطها ولا خلايا تبوّظها. تفتحه وتبدأ.
ثبّته على موبايلك زي أي تطبيق
مش محتاج متجر تطبيقات ولا تحميل تقيل. بتفتح قِمّة من المتصفح، وبضغطتين تبقى أيقونة على شاشتك الرئيسية، تفتح فول سكرين، وتشتغل حتى من غير نت.
- افتح قِمّة في كروممن زر «دخول» فوق في الصفحة، أو من اللينك اللي هيوصلك مع المفتاح.
- اضغط «تثبيت»لما تظهرلك، أو من قايمة المتصفح (⋮) اختار «تثبيت التطبيق».
- افتحه من الأيقونةهتلاقي قِمّة على شاشتك الرئيسية، والصق مفتاح التفعيل جواه.
- افتح قِمّة في سفاريمن زر «دخول» فوق في الصفحة، أو من اللينك اللي هيوصلك مع المفتاح.
- اضغط زر المشاركةوبعدين اختار «إضافة إلى الشاشة الرئيسية».
- افتحه من الأيقونةهتلاقي قِمّة على شاشتك الرئيسية، والصق مفتاح التفعيل جواه.
أول مرة؟ ثبّت التطبيق الأول، وبعدين افتحه من الأيقونة وفعّله من جواه.
يومك بالساعة، وشهرك في تقويم واحد
خطّط النهارده بمواعيدها، وعلّم اللي خلص، ورحّل الباقي لبكرة بضغطة. والتقويم الشهري بيجمع كل مواعيدك المالية والشغلية من غير ما تدخّلها مرتين.
- أهم 3 أولويات وشخبطة سريعة جنب الجدول
- روتين صباحي ومسائي تضيفه بضغطة
- تقويم موحّد: تسليمات، التزامات، تحصيلات واجتماعات
مشاريعك قدامك، ومهامك بتتحرك
كل مشروع بحالته ومصروفه وميعاده، والمهام على لوحة كانبان تسحبها من «في الانتظار» لـ«شغال عليه» لـ«خلصان». ولو عايز تفكّر قبل ما تشتغل، فيه مصفوفة أولويات وخط زمني.
- مهام فرعية ونسبة إنجاز لكل مهمة
- مصفوفة الأولويات: عاجل ومهم، مهم، عاجل، مش مهم
- خط زمني بيورّيك المتأخر من الجاي
الناس اللي معاك: فوّض وتابع وكلّم
اكتب المهمة، اختار الشخص والميعاد، وابعتها له واتساب. وأي حاجة اتأخرت عنده بتظهرلك في قسم لوحدها، فمتحتاجش تفتكر مين وعدك بإيه.
- فريقك في مكان واحد وكل واحد وشغله المفتوح
- عملاؤك بأرقامهم ومشاريعهم وزر اتصال وواتساب
- اجتماعات وأهداف الشهر في نفس الصفحة
فلوسك مترتبة: محافظ، التزامات، وتحويش
سجّل مصروفك بلمسة، وشوف كل محفظة (كاش، فودافون كاش، إنستا باي، بنك) وصافي الشهر. والالتزامات الشهرية والسنوية بتنبّهك قبل ميعادها، والفلوس اللي ليك برا ليها قايمة تحصيل.
- مصاريف سريعة بأزرار جاهزة (قهوة، مواصلات، بنزين…)
- الميزانية مقابل الفعلي لكل بند
- صناديق تحويش بنسبة تقدّم، وصافي ثروة بيجمع كل حاجة
عادات بتثبت، وتركيز بيتحمي
عادات كبيرة (زي الصلاة والرياضة) وعادات صغيرة جواها، تتابعها أسبوع أسبوع أو شهر شهر. وشوف سلسلة أيامك المتتالية ونسبة التزامك.
- عادات كبيرة وصغيرة، بعرض أسبوعي أو شهري
- مؤقّت بومودورو مع أصوات تركيز
- أهداف الشهر وكشكول أفكار
قفّل يومك بتقرير جاهز
تقرير لليوم والأسبوع والشهر بيلخّص اللي خلص، واللي لسه مفتوح، واللي مفوّضه، والعادات، والدخل والمصروف. ابعته واتساب أو انسخه أو اطبعه، وفيه سجل لآخر 3 شهور.
- إرسال على واتساب بضغطة
- نسخ النص، PDF / طباعة، أو حفظ كملف
- تنبيه لما تقرير اليوم يجهز
فاتح بالنهار، وليلي لما تتأخر
بدّل الوضع بضغطة من أي شاشة، والتصميم بيتظبط على الموبايل واللابتوب.
وكمان
- إملاء بالصوتاتكلم بالمصري في المهام والمصاريف والبحث (على كروم، ومحتاج نت).
- بحث واحد في كل حاجةمهام، مشاريع، عملاء وملاحظات من شريط بحث واحد.
- إخفاء الأرقام الماليةزر واحد يخفي المبالغ لما حد يبص على شاشتك.
- قوالب مشاريع جاهزةقالب مشروع عميل جديد أو حملة إعلانية بتاسكاتها بضغطة واحدة.
- نسخة احتياطية بملفصدّر بياناتك في أي وقت، وتقدر تشفّر الملف بكلمة سر.
- مزامنة مشفّرة بين أجهزتكبتتشفّر على جهازك قبل ما تترفع على Google Drive بتاعك.
كل اللقطات في الصفحة دي ببيانات تجريبية.
شغلك وفلوسك بتاعتك إنت. مش بتاعتنا.
على جهازك
بياناتك بتتخزّن في متصفحك. مفيش حساب عندنا ولا قاعدة بيانات فيها شغلك أو أرقامك.
مشفّرة لو زامنت
المزامنة اختيارية. البيانات بتتشفّر بـ AES-256 بكلمة سر إنت اللي بتختارها، وبعدين بتترفع على Google Drive بتاعك بس.
من غير تتبّع
مفيش إعلانات ولا كوكيز تحليلات. اللي بنطلبه من جوجل صلاحية واحدة: مساحة مخفية لتطبيق قِمّة في درايفك.
لو نسيت كلمة سر المزامنة منقدرش نسترجع البيانات المشفّرة، وده جزء من الأمان نفسه. التفاصيل كاملة في سياسة الخصوصية والشروط والأحكام.
إزاي تاخد نسختك
- اطلبسجّل اسمك وبيانات التواصل في نافذة الطلب.
- حوّل المبلغبفودافون كاش أو إنستا باي، والأرقام بتظهرلك في الطلب.
- ابعت صورة الإيصالبترفعها في نفس الطلب.
- استلم المفتاحبنراجع التحويل ونبعتلك مفتاح التفعيل بين 5 دقايق وساعة من تأكيد الدفع. تدخله في التطبيق وخلاص.
أسئلة بتتسأل
بياناتي بتتبعت لأي سيرفر؟
لا. بياناتك بتتخزّن في متصفحك على جهازك. لو شغّلت المزامنة، بتتشفّر على جهازك الأول بكلمة سر إنت بتختارها وبعدين بتترفع على Google Drive بتاعك. تفاصيل أكتر في سياسة الخصوصية.
لو مسحت بيانات المتصفح أو غيّرت الموبايل؟
البيانات المحلية بتتمسح مع بيانات المتصفح. عشان كده فيه نسخة احتياطية بملف (ممكن تتشفّر) ومزامنة اختيارية. خد نسخة بشكل دوري، ولما تغيّر الجهاز استرجعها بضغطة.
بيشتغل على أنهي أجهزة؟
على أي لابتوب أو آيباد أو موبايل من المتصفح، وتقدر تثبّته على الشاشة الرئيسية فيفتح زي أي تطبيق. وبيشتغل من غير نت بعد أول فتح. الإملاء الصوتي والمزامنة بس هم اللي محتاجين نت. وعشان بياناتك تلاقيها على كل أجهزتك، شغّل المزامنة المشفّرة (اختيارية).
ينفع أجرّب قبل ما أشتري؟
مفيش تجربة مجانية، عشان كده حطّينا فوق لقطات حقيقية من النظام بداتا تجريبية. ولو اشتريت وحصلت مشكلة تقنية مانعة الاستخدام، سياسة الاسترداد مكتوبة في الشروط والأحكام.
إيه سعر الإطلاق؟
قِمّة لسه بتبدأ، فسعر الإطلاق 499 ج.م لحد آخر يوم 30 نوفمبر 2026 بتوقيت القاهرة أو لحد ما أول 100 مفتاح يتباعوا بالسعر ده، أيهما أول (العداد في الصفحة بيوريك الباقي لحد التاريخ). بعد كده السعر 699 ج.م. والسعر اللي بيظهرلك في خطوة الدفع وقت ما تبعت طلبك هو اللي بيتحاسب عليه، حتى لو الفترة خلصت وانت بتحوّل.
إزاي أدفع وأستلم المفتاح؟
بتطلب من الصفحة، وتحوّل بفودافون كاش أو إنستا باي، وترفع صورة الإيصال. بنراجعه ونبعتلك المفتاح بين 5 دقايق وساعة على واتساب أو الإيميل اللي سجّلته.
عندي نسخة قِمّة قديمة. أنقل بياناتي؟
أه. صدّر نسخة احتياطية من النسخة القديمة، وافتح قِمّة هنا واسترجعها، وهترجع كل بياناتك.
بيربط حسابي البنكي؟
لا. إنت اللي بتسجّل المعاملات بنفسك (ومعاك أزرار سريعة)، ومفيش أي ربط ببنك أو بيانات حساسة.
ابدأ من النهارده. القمة بتتطلع خطوة خطوة.
اطلب نسختك، وهيوصلك مفتاح التفعيل بين 5 دقايق وساعة من تأكيد الدفع.